ចាប់ខ្លួន បន្ទាប់ពីគំ.រា.មសង្សារឱ្យថ.តស្រា.ត.ឱ្យខ្លួនមើលម្តងទៀត
ខេត្តបន្ទាយមានជ័យ ៖ ជនសង្ស័យម្នាក់បានមើលរូបរាងកាយនាងតាមទូរស័ព្ទម្តងហើយ ក៏មិនអស់ចិត្តបានគំរាមឱ្យនាងថតផ្ញើឱ្យមកមើលម្តងទៀត ត្រូវអស់ល័ក្ខជាប់អន្ទាក់របស់សមត្ថកិច្ចនៅឯរាជធានីភ្នំពេញ ហើយត្រូវបញ្ជូនមកសមត្ថកិច្ចនៅខេត្តបន្ទាយមានជ័យវិញ ហេតុការណ៍កើតឡើងកាលពីថ្ងៃទី២៨ មីនា ឆ្នាំ២០២៣ ។
លោកឧត្តមសេនីយ៍ត្រី ហ៊ុន មុន្នីរ័ត្ន អនុប្រធាននាយកដ្ឋាននគរបាលព្រហ្មទណ្ឌបានប្រាប់ថា ជនសង្ស័យត្រូវឃាត់ខ្លួនមានឈ្មោះ នៅ ចិន្តា អាយុ៣១ឆ្នាំ រស់នៅម្តុំព្រែកអញ្ចាញ ស្ថិតក្នុងភូមិចំបកមាស ឃុំចំបក់ចាស់ ស្រុកមុខកំពូល ខេត្តកណ្តាល ។
លោកបានបញ្ជាក់ថា ក្រោយទទួលពាក្យបណ្តឹងពីនារីរងគ្រោះមានអាយុ១៦ឆ្នាំម្នាក់ បានប្តឹងម្ចាស់គណនីអាក់ខោនហ្វេសបុក ឈ្មោះ «Hea Da» បានស្គាល់គ្នាជាមួយស្ត្រីរងគ្រោះនៅអំឡុងឆ្នាំ២០២០ បានឆាតលួងលោមស្រលាញ់នាងរហូតក្លាយជាសង្សារនឹងគ្នា ហើយឱ្យនាងថតវីដេអូអា.ស.អា.ភា.ស ឬរូបអាក្រាតកាយឱ្យរូបគេមើល ។
លុះដល់ថ្ងៃទី២០ មីនា ឆ្នាំ២០២៣ បានឱ្យនាងថតរូបអា.ក្រា.តកាយឱ្យមើលម្តងទៀត ហើយបើមិនថតទេ រូបគេនឹងយករូបអាក្រាតចាស់មកបង្ហោះឱ្យគេឃើញជាសាធារណៈហើយ ។
លោកឧត្តមសេនីយ៍ត្រី ហ៊ុន មុន្នីរ័ត្ន បានបញ្ជាក់ទៀតថា ក្រោយទទួលពាក្យបណ្តឹងពីឪពុកម្តាយ និងជាសាច់ញាតិរបស់នារីរងគ្រោះ និងមានការចង្អុលបង្ហាញពីឯកឧត្តមនាយឧត្តមសេនីយ៍ នេត សាវឿន អគ្គស្នងការនគរបាលជាតិ, ឯកឧត្តម ង៉េង ជួ ប្រធាននាយកដ្ឋាននគរបាលព្រហ្មទណ្ឌបានដឹកនាំកម្លាំងជំនាញបើកការស្រាវជ្រាវឃាត់ខ្លួនម្ចាស់គណនីហ្វេសបុកឈ្មោះ «Hea Da »មានឈ្មោះ នៅ ចិន្តា នៅភូមិចំបកមាស ឃុំចំបក់ចាស់ ស្រុកមុខកំពូល ខេត្តកណ្តាល ។
ក្រោយនាំយកសាកសួរហើយបានបញ្ជូនជនសង្ស័យទៅស្នងការដ្ឋាននគរបាលខេត្តបន្ទាយមានជ័យនៅថ្ងៃទី២៨ ខែមីនា ឆ្នាំ២០២៣ដើម្បីរៀបចំនីតិវិធីអនុវត្តន៍តាមច្បាប់បន្ត ។
ព័ត៌មានបន្ថែមនឹងមានផ្សាយជូនលើកាសែតកោះសន្តិភាព៕
Post a Comment